Қорақалпоғистон Республикаси Вазирлар Кенгаши

Туман ҳокимлиги веб-сайтига ўтиш

Мўйноқ тумани ҳокимлиги

Қорақалпоғистон Республикаси Мўйноқ тумани ҳокими С.Данияров томонидан 2019 йил давомида Мўйноқ туманида жисмоний шахслар ва юридик шахсларнинг вакиллари билан учрашувлар ўтказиш мақсадида ташкил қилинган сайёр ва оммавий қабуллар жадвали

Мўйноқ тумани ҳокимлигида 19 та ходим фаолият юритади:

•           Тумани ҳокими;

•           Ҳокимнинг йирик қурилиш, коммуникация, коммунал хўжалиги ва ободонлаштириш масалалари бўйича биринчи ўринбосари;

•           Туман ҳокимининг иқтисодиёт ва ижтимоий ривожлантириш масалалари бўйича ўринбосари;

•           Ҳоким ўринбосари, хотин-қизлар қўмитаси раиси;

•           Ҳоким ёрдамчиси;

•           Иш юритувчи;

•           Ҳокимлик ҳуқуқ-маслаҳатчиси;

•           Девонхона мутахассиси;

•           Ташкилий-назорат гуруҳи раҳбари;

•           Ташкилий-назорат гуруҳининг бош мутахассиси;

•           Капитал қурилиш ва ободонлаштириш масалалари бўйича бош мутахассис;

•           Коммуникация ва коммунал хўжалиги масалалари бўйича етакчи мутахассис;

•           ижтимоий-иқтисодий ривожлантириш масалалари бўйича бош мутахассис;

•           Оналик ва болаликни муҳофаза қилиш масалалари бўйича бош мутахассис;

•           Жамоат ташкилотлари ва диний ташкилотлар билан алоқалар бўйича бош мутахассис;

•           Ҳокимлик қошидаги вояга етмаганлар билан ишлашиш комиссияси масъул котиби;

•           Бош ҳисобчи;

Мўйноқ тумани ҳақида қисқача маълумот

Мўйноқ тумани Қорақалпоғистон Республикасининг шимолида жойлашган бўлиб, 1931 йилнинг 1 сентябрида ташкил этилган. Туман ғарбдан Қўнғирот тумани, шимолдан Қозоғистон Республикаси билан, жанубдан Қораўзак, Чимбой, Кегайли туманлари билан чегарадош.

Майдони 37,9 минг кв.км. Туманда 1 шаҳар (Муйнақ) 5 та маҳалла ва 6 та овул фуқаролар йиғини (Учсой, Тикузак, Мадали, Бузатов, Қозоқдарё, Аққала) бор. Маркази-Муйноқ шаҳри.

2018 йил 1 июль ҳолатига туман аҳолиси сони 31,0 минг кишини ташкил этади. Шундан 13,5 минг киши шаҳарда, 17,5 минг киши қишлоқда яшайди.

Аҳолининг жойлашиш жипслиги 1 кв. км-га 0,8 кишидан тўғри келади.

Туманда қишлоқ хўжалиги билан бирга туризм, балиқчилик соҳаси ҳам ривожланмоқда. Ҳозирги кунлари қишлоқ хўжалигида 2 та қишлоқ хўжалиги ширкатлари, 33 та фермер хўжаликлари, 2 та ММТП, 2 та СФУ лар фаолият кўрсатмоқда. Қурилишда 5 та, савдо хизматида 23 та корхоналар ва жамоалар ҳаракат етмоқда.

Медицина хизматида 2 та шифохона, 1 та туман поликлиникаси, 9 та қишлоқ шифокорлик пункти ва 6 та фелдшерлик-акушерлик пунктлари фаолият кўрсатмоқда.