баспаға шығарыў
Қарақалпақстан Республикасының волейбол бойынша қызлар сайланды командасы «Универсиада-2020» спорт жарысларында жеңимпаз болып, пүткил дүнья жүзлик универсиадасы менен Азия чемпионатына жолламаны қолға кириткен болса, 2021-жылдың 6-март ҳәм 11-март күнлери аралығында Ташкент ўәлаятында 2008-жылда туўылған жас өспиримлер арасында Футзал бойынша «Спорт мектеплер футбол лигасы» Өзбекстан чемпионатында Қарақалпақстан Республикасы 1-орынды ийелеп чемпионлар атағына еристи.
Усы мүнәсибет пенен
волейболшы қызлар ҳәм жас футзалшыларды Қарақалпақстан Республикасы Жоқарғы
Кеңеси Баслығы М.Камалов ҳәм Қарақалпақстан Республикасы Министрлер Кеңеси
Баслығы Қ.Сариевлар қызғын қутлықлап, оларға буннанда жоқары шыңларға жетисиўин
тилеп, жәҳән чемпионатларында ўатанымыз абырайын мүнәсип қорғаўына исеним
билдирди.
Илажда жас спортшыларымызға Қарақалпақстан Республикасы Жоқарғы Кеңесиниң алғыснамасы ҳәмде естелик саўғалар тапсырылды.
Қарақалпақстан
Республикасы Министрлер Кеңесиниң Мәлимлеме хызмети