Qaraqalpaqstan Respublikası Ministrler Keńesi

Qaraqalpaqstan Respublikasınıń voleybol boyınsha qızlar saylandı komandası «Universiada-2020» sport jarıslarında jeńimpaz bolıp,  pútkil dúnya júzlik universiadası  menen Aziya chempionatına jollamanı qolǵa kiritken bolsa, 2021-jıldıń 6-mart hám 11-mart kúnleri aralıǵında Tashkent wálayatında 2008-jılda tuwılǵan jas óspirimler arasında Futzal boyınsha «Sport mektepler futbol ligası» Ózbekstan chempionatında Qaraqalpaqstan Respublikası 1-orındı iyelep chempionlar ataǵına eristi.

Usı múnásibet penen voleybolshı qızlar hám jas futzalshılardı Qaraqalpaqstan Respublikası Joqarǵı Keńesi Baslıǵı M.Kamalov hám Qaraqalpaqstan Respublikası Ministrler Keńesi Baslıǵı Q.Sarievlar qızǵın qutlıqlap, olarǵa bunnanda joqarı shıńlarǵa jetisiwin tilep, jáhán chempionatlarında watanımız abırayın múnásip qorǵawına isenim bildirdi.

Ilajda jas sportshılarımızǵa Qaraqalpaqstan Respublikası Joqarǵı Keńesiniń alǵısnaması hámde estelik sawǵalar tapsırıldı. 

Qaraqalpaqstan Respublikası Ministrler Keńesiniń Málimleme xızmeti