22.12.2024
docx форматында жуклеп алыу (315,2 kb)
pdf форматында жуклеп алыу (879,8 kb)
баспаға шығарыў
баспаға шығарыў
Бүгин Қарақалпақстан Республикасы Мəҳəлле ҳəм шаңарақты қоллап-қуўатлаў министрлигиниң мəжилислер залында «Қарақалпақ суў тәмийнаты» ЖШЖ тəрепинен 2020-жыл даўамында әмелге асырылған жумыслар сондай-ақ, Қарақалпақстан Республикасында 2021-жыл 21-январь сәнесинен баслап ишимлик суўына жаңа баҳаның енгизилип атырғанлығына байланыслы келип шығып атырған сораўлар бойынша Баспасөз конференциясы болып өтти.
Онда, “Қарақалпақ суў тәмийнаты” жуўапкершилиги шекленген жəмийети баслығы, тийисли жуўапкерлер менен журналист ҳəм блогерлер қатнасты.
Баспасөз конференциясында журналист ҳəм блогерлер тəрепинен берилген сораўларға тараў қəнигелери тəрепинен ҳəр тəреплеме жуўап берилди. Сондай-ақ, анық түсиникке ийе болыўы ушын таза ишимлик суўын тутыныў ушын жарамлы ҳалға келтириўге шекемги процесс виидеокөринислерде баян етилди.
ҚР Министрлер Кеңесиниң Мəлимлеме хызмети