баспаға шығарыў
Бүгин, 22-декабрь күни
Әжинияз атындағы Нөкис мәмлекетлик педагогикалық институтында Өзбекстанның
Малайзиядағы елшиси Равшан Усманов пенен ушырасыў болып өтти.
Ушырасыўда институттың
Малайзиядағы жоқары оқыў орынлары, атап айтқанда, HELP университети менен
илимий-педагогикалық жумысларда бирге ислесиў бойынша байланыслар орнатыў
мәселеси додаланды.
Мектепке
шекемги билимлендириў ҳәм инглис тили бағдарларында профессор-оқытыўшылар,
докторантлар, магистрантлар ҳәм студентлерди өз ара алмасыў тийкарында
тәжирийбесин арттырыў және оқытыў, Малайзияның мектепке шекемги билимлендириў
системасын илимий тийкарларда үйрениў, биргеликте тараўға байланыслы
сабақлықлар, илимий-методикалық қолланбалар жаратыў бойынша усыныслар берилди.
Институт жанында қурылыўы жобаластырылып атырған ҳәм
илимий-методикалық жумыслар өткерилетуғын арнаўлы мектепке шекемги
билимлендириў шөлкемин ашыў, оған инвесторларды қызықтырыў бойынша Өзбекстанның
Малайзиядағы елшиси Равшан Усманов алдағы ўақытларда биргеликте исленетуғын
жумысларды белгилеп алды.
НМПИ баспасөз хызмети.