20.12.2024
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Búgin, 22-dekabr kúni Ájiniyaz atındaǵı Nókis mámleketlik pedagogikalıq institutında Ózbekstannıń Malayziyadaǵı elshisi Ravshan Usmanov penen ushırasıw bolıp ótti.
Ushırasıwda instituttıń Malayziyadaǵı joqarı oqıw orınları, atap aytqanda, HELP universiteti menen ilimiy-pedagogikalıq jumıslarda birge islesiw boyınsha baylanıslar ornatıw máselesi dodalandı.
Mektepke shekemgi bilimlendiriw hám inglis tili baǵdarlarında professor-oqıtıwshılar, doktorantlar, magistrantlar hám studentlerdi óz ara almasıw tiykarında tájiriybesin arttırıw jáne oqıtıw, Malayziyanıń mektepke shekemgi bilimlendiriw sistemasın ilimiy tiykarlarda úyreniw, birgelikte tarawǵa baylanıslı sabaqlıqlar, ilimiy-metodikalıq qollanbalar jaratıw boyınsha usınıslar berildi.
Institut janında qurılıwı jobalastırılıp atırǵan hám ilimiy-metodikalıq jumıslar ótkeriletuǵın arnawlı mektepke shekemgi bilimlendiriw shólkemin ashıw, oǵan investorlardı qızıqtırıw boyınsha Ózbekstannıń Malayziyadaǵı elshisi Ravshan Usmanov aldaǵı waqıtlarda birgelikte islenetuǵın jumıslardı belgilep aldı.
NMPI baspasóz xızmeti.