баспаға шығарыў
Бүгинги күнде Тақыятас районы “Қусшылық” мәҳәлле пуқаралар жыйыны
аймағында 516 шаңарақта 1 мың 900 дан
зыят халық жасайды.
Аймақ турғынлары электр энергиясының тез-тезден үзилиске түсип өшип қалыўы, ТП-3 трансформаторының болса тозығы жетип авариялық жағдайда екенлигин ҳəм ески трансформатор орнына жаңа трансформатор қурып бериўде жəрдем сорап усы аймақтың сектор басшылары менен депутатларға мүрәжат етти.
Мүрәжат бойынша ӨзЛиДеП партиясынан сайланған Тақыятас районлық Кеңеси депутаты Б.Шапиев ҳәм Тақыятас районлық ишки ислер бөлими бөлим баслығы Ж.Камаловлар машқаланы үйренип шығып жаңа трансформатор қурып бериўде белсендилик көрсетти.
Сондай-ақ қыстың қыраўлы күнлеринде жас өспирим
балалардың мектепке қатнайтуғын жоллары да жарамсыз жағдайға келип қалғанлығы себепли
аймақтағы Мичурин Атаниязов ҳәм Қусшылық көшелери оңлап берилди.
ӨзЛиДеП
Қарақалпақстан Республикалық Кеңеси Баспасөз хызмети