22.12.2024
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Búgingi kúnde Taqıyatas rayonı “Qusshılıq” máhálle puqaralar jıyını aymaǵında 516 shańaraqta 1 mıń 900 dan zıyat xalıq jasaydı.
Aymaq turǵınları elektr energiyasınıń tez-tezden úziliske túsip óship qalıwı, TP-3 transformatorınıń bolsa tozıǵı jetip avariyalıq jaǵdayda ekenligin hám eski transformator ornına jańa transformator qurıp beriwde járdem sorap usı aymaqtıń sektor basshıları menen deputatlarǵa múrájat etti.
Múrájat boyınsha ÓzLiDeP partiyasınan saylanǵan Taqıyatas rayonlıq Keńesi deputatı B.Shapiev hám Taqıyatas rayonlıq ishki isler bólimi bólim baslıǵı J.Kamalovlar mashqalanı úyrenip shıǵıp jańa transformator qurıp beriwde belsendilik kórsetti.
Sonday-aq qıstıń qırawlı kúnlerinde jas óspirim balalardıń mektepke qatnaytuǵın jolları da jaramsız jaǵdayǵa kelip qalǵanlıǵı sebepli aymaqtaǵı Michurin Ataniyazov hám Qusshılıq kósheleri ońlap berildi.
ÓzLiDeP Qaraqalpaqstan Respublikalıq Keńesi Baspasóz xızmeti