баспаға шығарыў
Қарақалпақстан Республикасы
Жоқарғы Кеңесиниң Баслығы М.Камалов 27-ноябрь күни Мойнақ районында
пайдаланыўға тапсырылған бир қатар объектлердиң ашылыў мәресимлеринде қатнасты.
Дәслеп жаңадан қурылған «Тоқпақ ата» жəмəəт мешитиниң ашылыў мәресими болып өтти. Онда Қарақалпақстан мусылманлары қазыятының ўәкиллери, нураныйлар, кең жәмийетшилик ўәкиллери қатнасты.«Тоқмақ ата» мешити бир ӯақыттың өзинде 300 адамды өз ишине сыйдыра алады. Мийманлар мешитте жаратылған шараятлар менен танысты, марҳумлардың руўхына Қуран оқылды.Буннан соң республика басшысы районлық Мəденият орайында район жаслары менен ушырасып, олар менен сәўбетлести, жаслардың пикир ҳәм усынысларын, машқалаларын тыңлады.
Ушырасыӯда
жаслардың мүрəжатларында айтылған машқалалы мəселелерди шешиӯ бойынша Мойнақ
районы ҳəкими Е.Еденбаевқа тапсырмалар берилди. Жаслар жоқары оқыӯ орынларына кириӯде
берилген жеңилликлер тийкарында быйыл мойнақлы 500 ден аслам жастың студент
болыӯ бахтына миясар болғаны ушын Президентимизге шексиз миннетдаршылық
билдирди.
Жоқарғы
Кеңес Баслығы Мойнақ районы орайында “TURSINBEK DENT” ЖШЖ тәрепинен
пайдаланыўға тапсырылған «TURSINBEK DENT» стоматология жеке меншик клиникасы,
«ARAL HOTEL MUYNAK» жуӯапкершилиги шекленген жəмийетиниң «Теңиз»
мийманханасының салтанатлы ашылыӯ мəресимлеринде қатнасып, бул орынларда
халыққа хызмет көрсетиў ушын кең имканиятлар менен танысты.
Қарақалпақстан
Республикасы Жоқарғы Кеңесиниң Баслығы М.Камалов «Мӯйноқ порлоқ текс»
тигиӯшилик фабрикасында болып, бул жерде жумыс ислеп атырған ҳаял-қызлар менен
сəӯбетлести, кəрханада олардың мийнет етиўи ушын жаратылған шараятлар менен
танысты. Соның менен бирге, Мойнақ районлық Мəҳəлле ҳəм шаңарақты
қоллап-қуӯатлаӯ бөлими имаратының қурылыс жумыслары менен танысты.
Қарақалпақстан Республикасы Жоқарғы Кеңесиниң баспасөз хызмети