Qaraqalpaqstan Respublikası Ministrler Keńesi

Qaraqalpaqstan Respublikası Joqarǵı Keńesiniń Baslıǵı M.Kamalov 27-noyabr kúni Moynaq rayonında paydalanıwǵa tapsırılǵan bir qatar obektlerdiń ashılıw máresimlerinde qatnastı.

Dáslep jańadan qurılǵan «Toqpaq ata» jámáát meshitiniń ashılıw máresimi bolıp ótti. Onda Qaraqalpaqstan musılmanları qazıyatınıń wákilleri, nuranıylar, keń jámiyetshilik wákilleri qatnastı.

«Toqmaq ata» meshiti bir ӯaqıttıń ózinde 300 adamdı óz ishine sıydıra aladı. Miymanlar meshitte jaratılǵan sharayatlar menen tanıstı, marhumlardıń ruwxına Quran oqıldı.

Bunnan soń respublika basshısı rayonlıq Mádeniyat orayında rayon jasları menen ushırasıp, olar menen sáwbetlesti, jaslardıń pikir hám usınısların, mashqalaların tıńladı.

Ushırasıӯda jaslardıń múrájatlarında aytılǵan mashqalalı máselelerdi sheshiӯ boyınsha Moynaq rayonı hákimi E.Edenbaevqa tapsırmalar berildi. Jaslar joqarı oqıӯ orınlarına kiriӯde berilgen jeńillikler tiykarında bıyıl moynaqlı 500 den aslam jastıń student bolıӯ baxtına miyasar bolǵanı ushın Prezidentimizge sheksiz minnetdarshılıq bildirdi.

Joqarǵı Keńes Baslıǵı Moynaq rayonı orayında “TURSINBEK DENT” JShJ tárepinen paydalanıwǵa tapsırılǵan «TURSINBEK DENT» stomatologiya jeke menshik klinikası, «ARAL HOTEL MUYNAK» juӯapkershiligi sheklengen jámiyetiniń «Teńiz» miymanxanasınıń saltanatlı ashılıӯ máresimlerinde qatnasıp, bul orınlarda xalıqqa xızmet kórsetiw ushın keń imkaniyatlar menen tanıstı.

Qaraqalpaqstan Respublikası Joqarǵı Keńesiniń Baslıǵı M.Kamalov «Mӯynoq porloq teks» tigiӯshilik fabrikasında bolıp, bul jerde jumıs islep atırǵan hayal-qızlar menen sáӯbetlesti, kárxanada olardıń miynet etiwi ushın jaratılǵan sharayatlar menen tanıstı. Sonıń menen birge, Moynaq rayonlıq Máhálle hám shańaraqtı qollap-quӯatlaӯ bólimi imaratınıń qurılıs jumısları menen tanıstı.

Qaraqalpaqstan Respublikası Joqarǵı Keńesiniń baspasóz xızmeti