chop etish
Xalqimizning
ayniqsa yoshlarning ekologik madaniyatini oshirish, atrof-muhitga bo'lgan
munosabatini yanada kuchaytirish shu bilan birga, ona tabiatni kelajak
avlodlarga asrab-avaylash hamda tabiatga aks ta'sir etuvchi holatlarning oldini
olish maqsadida bugun Nukus shaxrida “Yangi O'zbekistonda erkin va obod
yashaylik” shiori ostida obodonlashtirish va ko'kalamzorlashtirish tadbirlari
doirasida, “Toza shaxar” loyihasi amalga oshirilmoqda.
Tadbirda
Respublikamizdagi korxona va tashkilotlar, eng e’tiborlisi esa yoshlarimiz
faollik bilan qatnashmoqda.
Dastavval
Nukus shaxri markazidagi, Yoshlar markazi binosi oldida bugungi tadbirga start
berildi. Shaxrimiz chiroyiga ko'rk bag'ishlovchi manzarali daraxt va gul ko'chatlarini ekish,
ko'chalar va aholi gavjum joylarni chiqindilardan tozalash, daraxtlarga qush
inlarini qurish ishlari uyushqoqlik bilan davom etmoqda.
Eslatib o'tamiz tadbir davomida Qoraqalpog'iston
Respublikasi I.V.Savitskiy nomidagi Davlat muzeyi oldida, xalqimiz ardog'idagi
san’atkorlar ishtirokida gala kontsert bo'lib o'tadi.