баспаға шығарыў
Бүгин Кегейли районында "Халықты заманагөй турақ жай менен тәмийинлеў ҳәм социаллық обеъектлердиң қурылысы нәтийжелери" бойынша ғалаба хабар қураллары ўәкиллериниң қатнасыўында медиа тур өткерилди.
Медиа тур қатнасыўшылары дәслеп, районда бой тиклеген "Жаңа Өзбекстан" турақ жайлар массиви менен танысты. Массив ушын «Ақтуба» аўыл пуқаралар жыйыны аймағынан 10,8 гектар жер майданы ажыратылған болып, онда, 600 квартиралы 20 көп қабатлы турақ жай, 180 орынлы балалар бақшасы, 320 орынлы мектеп ҳәм 50 пуқараға хызмет көрсетиў мүмкиншилигине ийе шаңарақ пунктин қурыў режелестирилген.
Быйылғы жыл жуўмағы менен болса 80 квартиралы турақ жай ҳәм социаллық объектлер қурылып питкерилди. Медиа тур даўамында қатнасыўшылар жаңа имаратлардың ишки имканиятлары менен танысты. Буннан соң, қатнасыўшылар Мәмлекетлик хызметлер орайының заманагөй имаратында болып, хызметлердиң сапасын жақсылаўда пуқаралар ушын барлық қолайлықлар жаратылғанлығының гүўасы болды.
