баспаға шығарыў
2023-jıldıń 23-27-oktyabr kúnleri Nókis qalasında AQSh Awıl
xojalıǵı ministrliginiń Ózbekstanda balalardıń bilim alıwı hám awqatlanıwı
ushın "MakGovern-Doul" xalıqaralıq baǵdarlaması sheńberinde
"Mercy Corps" xalıqaralıq mámleketlik emes kommerciyalıq emes
shólkemi Mektepke shekemgi hám mektep bilimlendiriwi ministrligi menen
birgelikte Qaraqalpaqstan Respublikasınıń Nókis, Qaraózek, Kegeyli hám Shımbay
rayonlarındaǵı mektepke shekemgi bilimlendiriw shólkeminen saylanǵan jámi 75
pedagog ushın “Ózbekstan Respublikası mektepke shekemgi bilimlendiriw
sistemasındaǵı oqıtıw, erte sawatlılıq, racional awqatlanıw, gigiena
kónlikpeleri hám salamat turmıs kompetenciyasına tiykarlanǵan qatnastı
engiziw" temasında bes kúnlik trening kursı ótkerildi.
Bul trening kursqa "Mercy Corps" xalıqaralıq
mámleketlik emes kommerciyalıq emes shólkeminiń Ózbekstandaǵı filial direktorı
Whitney Nollau qatnastı.
Bul oqıw kursınıń tiykarǵı maqseti mektepke shekemgi jastaǵı
balalardıń sóylew, baylanıs ornatıw, oqıw hám jazıw kónlikpelerin rawajlandırıw
boyınsha pedagogikalıq metodikalardı, bala shaxsına baģdarlanģan
differenciallıq jantasıw tiykarında tálim-tárbiya beriw, balalardıń racional
awqatlanıw hám salamat turmıs tárizi kónlikpelerin asırıw jantasıwların, sonday-aq,
birinshi járdem kórsetiw boyınsha MShBSh pedagoglardıń teoriyalıq hám ámeliy
kompetensiyaların asırıw esaplanadı.
Balalardıń bilim alıwı hám awqatlanıwı ushın
"MakGovern-Doul" xalıqaralıq baǵdarlaması Qaraqalpaqstan Respublikası
hám Surxandárya wálayatındaǵı maqsetli 100 mámleketlik mektepke shekemgi
bilimlendiriw shólkemilerinde ámelge asırılıp atırǵan bolıp, bul
baǵdarlama mektepke shekemgi
bilimlendiriw shólkemileriniń materiallıq-texnikalıq bazasın hám infratuzilmasın
jaqsılaw, balalardıń erte sawatlılıq, salamat turmıs tárizi hám gigiyena
kónlikpelerin rawajlandırıw boyınsha MShBSh pedagog, miyirbiyke hám
aspazlarınıń mamanlıǵın asırıw hám pedagoglar ushın trenerlik yamasa mentorlıq
iskerligin ámelge asırıw sıyaqlı bir qatar maqsetlerge erisiwdi názerde tutadı.