баспаға шығарыў
Семинарға Қарақалпақстан Республикасы Жоқарғы Кеӊеси комитет баслығы Ш.Өтемисов, Хожели районы ҳәкими Ж.Ермашев, Халық депутатлары қала ҳәм районлық Кеӊес секретариатлары баслықлар, бас қәнийгелери қатнасты.
Қатнасыӯшылар дәслеп өз ара тәжирийбе аўмасыў мақсетинде районлық секретариат жумыслары, мәселен ҳүжжетлерди туўры жүргизиў, қадағалаў, искерлик өлшемлери хаққындағы тәртиплер менен жақыннан танысып, өзлериниң қызықтырған сораўларына толық жуўаплар алды.
Оннан соӊ үлги сыпатында Халық депутатлары Хожели районлық Кеңесиниң алтыншы шақырық алпыс сегизинши сессиясының искерлиги әмелий семинар тәризинде өткерилди. Сондай-ақ, Халық депутатлары районлық Кеңеси тәрепинен алып барылып атырған жумысларды кең жәмийетшиликке таныстырып барыў, соның менен бирге ашықлық ҳәм әшкаралықты тәмийинлеў мақсетинде сессия телеграмм группада тиккелей эфир арқалы жарытылып барылды.
Семианр қатнасыӯшылар күнниӊ екинши ярымында Хожели районы аймағында жайласқан Миздакхан тарийхый комплексине саяхат етти. Саяхат даӯамында комплекстеги тарийхый естеликлер, зыярат орынлары менен жақыннан танысты.
