баспаға шығарыў
2022-жыл 18-19-ноябрь күни Қараөзек районында Наманган күнлери өткерилди.
Онда, Қарақалпақстан Републикасы Министрлер Кеңеси Баслығының биринши орынбасары Н.Ерлепесов ҳәм Наманган ўәлаяты ҳәкиминиң биринши орынбасары Т.Юсуповлар қатнасып, районның социаллық-экономикалық раўажланыўында әмелге асырылып атырған жумыслардың барысы менен жақыннан танысты.
Соның менен бир қатарда, райондағы «Жаслар орайы» ҳәм 15-санлы мектепке шекемги билимлендириў шөлкеминиң салтанатлы ашылыў мәресими болып өтти.
Сондай-ақ, Наманган ўәлаяты тәрепинен ҳаял-қызлардың бәнтлигин тәмийинлеў мақсетинде “NORIN UNIFORM TEKS” ЖШЖ басламасы менен “Қараөзек-Норин-Чортоқ” кийим тигиў кооперациясы, «Меҳир» кәрўаны ҳәм аўыл хожалығы тараўында жүзимгершилик плантациясы шөлкемлестирилген.
Илаж даўамында «Үш әўлад» ушырасыўы ҳәм мәҳәлле системасында Президентимиз белгилеп берген реформаларды әмелге асырыўда бирге ислесиўди жолға қойыў мақсетинде мәҳәлледеги беслик пенен ушырасыў өткерилди.
Билимлендириў сыпатын еледе күшейтиў мақсетинде китаплар топламы ҳәм де спортшыларды ҳәр тәреплеме қоллап қуўатлаў ушын спорт инвентарлары тапсырылды.
Бос жумыс орынлары ушында
мийнет ярмаркасы өткерилди.