Қарақалпақстан Республикасы Министрлер Кеңеси

Бүгин,  8-центябрь күни Қарақалпақстан Республикасы Министрлер Кеңеси Баслығының Жаслар сиясаты,  социаллық раўажландырыў ҳәм руўхый-ағартыўшылық мәселелери бойынша орынбасары Абатбай Данияров Әжинияз атындағы Нөкис мәмлекетлик педагогикалық институтына келди.

Дәслеп институттың Түркий тиллер факултети қарақалпақ тили ҳәм әдебияты тәлим бағдарының 2-курс студентлери менен сәўбетлесиў болып өтти. Сәўбетлесиў даўамында соңғы жылларда елимизде жасларға байланыслы мәмлекетлик сиясат,  келешек ийелериниң оқыўы,  билим алыўы,  илим менен шуғылланыўы,  кәсип-өнер үйрениўи ушын жаратылып атырған шараятлар – улыўма халқымыздың абадан турмысын тәмийинлеў,  инсан қәдирин улығлаў бағдарында алып барылып атырған кең көлемли реформалар ҳаққында жаслар менен пикир алмасылды.