баспаға шығарыў
Нөкис қаласы Жаңабазар (Қоскөл
4) аймағында "Жаңа Өзбекстанда ел әзиз, инсан әзиз" атамасында кеше
болып өтти.
Оған Қарақалпақстан Республикасы Министрлер Кеңесиниң Баслығы, Министрлер Кеңеси Баслығының орынбасарлары, район ҳәкимлери ҳәм аймақ турғынлары қатнасты.
Қарақалпақстан Республикасы Министрлер Кеңесиниң Баслығы Қ.Сариев қатнасып, аймақ турғынларын жақынласып киятырған Өзбекстан Республикасының Ғәрезсизлик байрамы менен қызғын қутлықлап, аймақта алып барылып атырған абаданластырыў жумыслары еледе даўам ететуғынлығын атап өтти ҳәм усы жумысларда белсендилик көрсетип атырған пуқараларға миннетдаршылық билдирди.
Буннан соң мәденият
тараўы хызметкерлери тәрепинен таярланған концерт бағдарламасы жыйналғанлар
нәзерине усынылды.
Бағдарлама шеңберинде
аймақ жаслары арасында өткерилген спорт жарысларында жеңимпаз болғанлар ҳәм
алып барылып атырған абаданластырыў жумысларында белсендилик көрсетип атырған
пуқаралар сыйлықланды.
