баспаға шығарыў
Президентимиздиӊ 2021-жыл 2-апрельдеги «Абат аўыл» ҳәм «Абат мәкан» бағдарламаларын әмелге асырыў бойынша қосымша ис-илажлары ҳаққындағы қарары тийкарында районымыз аймағынан «Абат аўыл» ҳәм «Абат мәкан» бағдарламасын әмелге асырыў ушын «Бақаншақлы» АПЖ аймағынан Мәденият аўылы, «Ақтерек» МПЖ аймағынан Ақтерек ауылы усы бағдарламаға киргизилди. Бул аймақларға жәми 4 млрд 963 млн. сўмлық қурылыс ҳәм абаданластырыў жумысларын алып барыў режелестирилген болып, соннан республика бюджети есабынан 1 млрд 476 млн сўм, тармақ кәрханалары есабынан 1млрд 984 млн сўм қаржы ажыратылған. Бүгинги күнде режедеги жумыс көлеми толығы менен орынланды. «Абат аўыл» бағдарламасына киргизилген «Бақаншақлы» АПЖ Мәденият аўылы 9 көше,140 шаӊарақтан ибарат. Аймақтағы 8,9 км ишки жолларда қурылыс ҳәм оӊлаў жумыслары алып барылып, жолларға сары қум ҳәм тас араласпасы (ЩПС) төселди.
Электр тармақларын жаӊалаў
ҳәм модернизациялаў ушын тармақ кәрханасы тәрепинен 918 млн. сўм қаржы ажыратылып,
3,5 км электр тармақлары тартылды. 1 дана трансформатор оӊланып, 37 дана бетон
бағаналары орнатылды. Газ тәмийнаты бойынша тармақ кәрханасы есабынан 41 млн.
сўм қаржы ажыратылып, 4 км газ тармақларында ҳәм 1 дана газ бөлистириўши (ГРП)
үскенесинде оӊлаў жумыслары әмелге асырылды.
Байланыс тармақларын раўажландырыў ушын тармақ кәханасы есабынан 396 млн. сўм қаржы ажыратылып, 5 км байланыс тармақлары тартылды. Бағдарламаға кирген аймақты заман талапларына сай абаданластырыў мақсетинде жергиликли бюджет есабынан 1 км пиядалар жолларын қурыў ҳәм 40 дана түнги жарытқышларды орнатыў жумыслары «Универсал приум строй»ЖШЖ тәрепинен алып барылды. Сондай-ақ, 140 дана турақ жайларға оӊлаў жумыслары исленди. Ал, «Ақтерек» МПЖ Аймағындағы Ақтерек аўылы тийкарынан 7 көше 175 шаӊарақтан ибарат. Бул аймақта «Абат аўыл» бағдарламасы тийкарында 3,2 км ишки жолларға сары қум ҳәм тас араласпасы (ЩПС) төсеў жумыслары толық орынланды. 12,7 км электр энергиясы тармақларын қурыў ,оӊлаў жумыслары толық жуўмақланып, 2 дана трансформатор орнатылды. Сондай-ақ, 40 дана түнги жарытқышларды орнатыў жумыслары әмелге асырылды.
Нөкис
районы ҳәкимлигиниң Мәлимлеме хызмети