баспаға шығарыў
Қоӊырат районы орайынан өтиўши 4Н-36 автомобиль жолыныӊ
улыўма узынлығы 11 км болып, районныӊ бас көшеси (Қарақалпақстан) есапланады.
Алдын бир тәреплеме ҳәрекетти тәмийнлеўши 2 полосалы 2 автомобиль жолына
ажыратылған еди. Қоӊырат районы жоллардан пайдаланыў унитар кәрханасы тәрепинен
автомобиль жолында күнделикли оӊлаў жумыслары алып барылып, жол кеӊейтилмекте.
Быйылғы жылда 4Р-173 автомобиль жолынан басланыўшы 4Н-36
Алтынкөль аўылы-Қоңырат ДФХ жөнелисиндеги 8-11 км. аралығында оӊлаў жумыслары
алып барылыўы режелестирилген, ени 7,5 м. ҳәм 9 м. болған еки автомобиль
жолынан 6 полосалы ени 22 метрлик бир пүтин жолға айландырылып атыр.
Автомобиль жолы бойына лоток жатқарылып, асфальт асты грунт,
топырақ жумыслары жүргизилди ҳәм щебен төселди. Бүгинги күнде автомобиль
жолыныӊ 10-11-км аралығында асфальт төсеў жумыслары алып барылмақта.