баспаға шығарыў
«Абат аўыл» ҳәм «Абат мәкан»
мәмлекетлик бағдарламараныныӊ орынланыўы бойынша Хожели районында да жумыслар
қызғын түрде алып барылымақта. Райондағы ишки хожалық жолларына кириўши аўыл
ҳәм мәкан пуқаралар жыйынлары аймақларындағы автомобиль жоллары бүгин жаӊа
көриниске ийе болып атыр.
Бағдарламаға киргизилген жоллар
оӊланып, тегисленип, тийисли эксплуатация жумыслары толайым орынланып атырған
болса, асфальт төсеў ушын таярланған көшелерде грунт жумыслары, щебен төсеў
процеслери керекли материал жеткерип берилиўи менен жедел пәтте жүргизилмекте.
Район орайындағы Наўрыз мәкан
пуқаралар жыйыны аймағындағы Мақтумқулы ҳәм Қыят көшелерине Хожели районы
жоллардан пайдаланыў унитар кәрханасы тәрепинен асфальт төселди. Быйылғы жылда
усы АПЖ аймағындағы 27 көшеде оӊлаў жумыслары алып барылыўы режелестирилген.