баспаға шығарыў
Усы жылдың 29-30-апрель күнлери Ташкент қаласында улыўма орта билим бериў мектеплериниң 10-11-класс оқыўшылары арасында ӨзР Қорғаныў министриниң кубогы ушын «Ўатансүйиўшилер» («Ватанпарварлар») әскерий-спорт жарысы болып өтти.
Жарыс жуўмағында барлық шәртлер бойынша жоқары нәтийже көрсеткен Қарақалпақстан Республикасы атынан қатнасқан Кегейли районлық Халық билимлендириў бөлимине қараслы 41-санлы улыўма орта билим бериў мектебиниң «Лашын» командасы Өзбекстан Республикасы басқышында 1-орынды ийеледи. Бул ҳаққында ҚР Халық билимлендириў министрлиги мәлимлеме хызмети хабар берди.
Жеңимпаз ҳәм сыйлықланыўшылар шөлкемлестириўшилер тәрепинен кубок, медаль, дипломлар, ҳүрмет жарлықлары және естелик саўғалары менен сыйлықланды.
Қарақалпақстан хабар агентлиги.