баспаға шығарыў
Министр ҳәм жаслар ушырасыўында Шерзод
Шерматов республикамыз кѳлеминде www.uzbekcoders.uz порталы арқалы дизимнен
ѳтип, «Бир миллион дәстүрши» жойбары шеңберинде билим алып атырған жаслар
ҳаққында ѳз пикирин билдирди ҳәм усы жойбар шеңберинде ең жақсы нәтийже
Қарақалпақстан Республикасындағы мектеп оқыўшылары тәрепинен дизимге
алынғанлығын атап ѳтти.
Сондай-ақ, бул нәтийжеге ерисиўде алыс
аймақтағы мектеплерге шекем интернет тармағының кириб барғанын, оқыўшылардың
дәстүрлеўди үйрениўине имкәният жаратылғанлығын ҳәм мектеп жәмәәтиниң мийнетин айрықша
атап өтти.
Халық билимлендириў Министри оқыўшылардың
сораўларына жуўап берип, жасларға жаратылған кең имкәниятлар ҳәм олардан үнемли
пайдаланыў бойынша ѳз усынысларын билдирди.
«Министр ҳәм жаслар» ушырасыўында Шоманай
районы Халық бидимдендириў бѳлимине қараслы 7-санлы улыўма ҳәм орта билим бериў
мектебиниң 11-класс оқыўшысы Қаллибекова Динара ең жақсы усыныс билдиргени ушын
Ш. Шерматов тарепинен Ноутбук пенен сыйлықланды.
Шоманай районы ҳәкимлиги мәлимлеме хызмети