баспаға шығарыў
25-февраль күни
Нөкис қаласы ҳәкимлиги тәрепинен қаладағы исбилерменлик субъектлери, олардың
жумыс барысы ҳәм экономикалық көрсеткишлери бойынша ғалаба хабар қураллары
ўәкиллери ҳәм блогерлер қатнасында пресс-тур өткерилди.
Пресс-турдың
биринши мәнзили Нөкис қаласы “Жаңа базар” МПЖ
аймағында жайласқан “NUKUS TEXTILE” ЖШЖ болды. Кәрхана жип ҳәм
тоқымашылық өнимлерин ислеп шығарыўға кәнигелестирилген, жылына 1 000 тонна жип
ҳәм тоқымашылық өнимлерин ислеп шығарыў қуўатлығына ийе. Кәрхананың ийелеп
турған жер майданы 24 га болып,
2019-жылда кәрхана тәрепинен 3,5 млн АҚШ доллары муғдарында туўрыдан-туўры шет ел инвестициясы
өзлестирилген.
Ғалаба хабар
қураллары ўәкиллери ҳәм блогерлер пресс-турда Нөкис қаласындағы “Муратбек
мебел” ЖШЖ не де барды. Бул кәрхана мебел ислеп шағарыўға қәнигелестирилген
болып, жойбардың улыўма бахасы 4 500,0 млн.сўмды қурайды. ЖШЖның екинши имараты
2021-жыл январь айында иске түсирилген болып, 12 жаңа жумыс орны жаратылған.
Пресс-тур
даўамында ҳәр бир исбилерменлик субъектлеринде бүгинги жумыс барысы ҳәм
экономикалық көрсеткишлери бойынша ғалаба хабар қураллары ўәкиллери ҳәм
блогерлерге толық мағлыўматлар берилди.
Нөкис қаласы
ҳәкимлиги Мәлимлиги хызмети