баспаға шығарыў
Ɵзбекстан
Республикасы Президентиниң 2020-жыл
28-декабрдеги ПҚ-4936-санлы қарарына муўапык, 2021-жылда Қаракалпакстан
Республикасында бир қанша ири қурылыс жумыслары алып барылады.
Атап айтқанда, 22 мектепте, соннан 14 мектепте реконструкция ал, 8 мектепте капитал оңлаў жумыслары алып барылады.
Сондай-ақ, халық
санының турақлы өсиўин есапқа алған ҳалда, жаңадан еки мектепке шекемги билимлендириў мəкемеси
қурылады ҳəм 11 МШБМ реконструкциядан шығарылады.
2021-жылғы
қурылыс жумысларынан денсаўлықты сақлаў тараўыда орын алған. Нөкис районы
медициналық бирлеспеси жанынан 40 орынлы туўыў бөлими, қабыллаў диагностикасы,
орайласқан стрилизация бөлими, клиникалық ҳəм биохимиялық лаборатория,
фтизотерапия, реанимация ҳəм хирургия бөлимлери ушын жаңа қосымша имарат
қурылады.
Соның менен
бирге Республика бойынша алты денсаўлықты сақлаў объектлери толық реконструкциядан
шығарылады ҳəм бир объектте капитал оңлаў жумыслары алып барылады.
Жəне бир
əҳмийетли тəрепи жаңадан заманагөй жəне бир спорт объекти қурылады ҳəм еки
спорт объекти реконструкциядан шығарылады.
ҚР
Министрлер Кеңесиниң Мəлимлеме хызмети