баспаға шығарыў
Сексеўил өсимлиги туқымын қабыллаў бойынша график тастыйықланды
Оған
муўапық, 2021-жылдың 20-24-январь күнлери аралығында Арал теңизиниң қурыған ултанында
тоғай-мелиорация илажларына зәрүр болған сексеўил өсимлиги туқымы қабылланады.
Яғный, усы жылдың 20-январьда "Мойнақ", 21-январьда "Арал" , 22-январьда "Жайҳун" , 23-январьда "Таллыөзек", 24-январьда "Дослық" мәкан пуқаралар жыйыны аймағы турғынлары тәрепинен жыйналған туқымлар Мойнақ мәмлекетлик тоғай хожалығы имаратында қабылланады.
Соның менен бирге, усы жылдың 20-январьда "Тикөзек", 21-январьда "Үшсай" , 22-январьда "Бозатаў" , 23-январьда "Мәдели", 24-январьда "Ҳәким ата" аўыл пуқаралар жыйыны аймағы турғынлары тәрепинен жыйналған туқымлар "Таллыөзек" мәкан пуқаралар жыйыны имараты ҳәм "Аква санаат" мәмлекетлик унитар кәрханасы қоймаханасында қабылланады. Ал, районның ең шетки аймағы болған "Қазақдәрья" аўыл пуқаралар жыйыны турғынлары тәрепинен жыйналған туқымлар усы жылдың 20-24-январь күнлери аралығында Қазақдәрья тоғай хожалығы имаратында қабылланады.
Туқым қабыллаў азаңғы саат 09:00 ден кешки 18:00 ге шекем даўам етеди. 1 кг туқымға 15 000 (он бес мың) сўм төленеди.
Соны да еслетип өтемиз, ҳәр бир аўыл ҳәм мәкан пуқаралар жыйыны график тийкарында тастыйықланған сәнеде туқым тапсырыўы шәрт. Басқа күнлери қабыллаўға тыйым салынады.
Мойнақ
районы ҳәкимлиги Мәлимлеме хызмети