баспаға шығарыў
Бүгин Нөкис районында аўыл хожалығындағы әҳмийетли
мәселелерге бағышланған көргизбели семинар болып өтти. Оған Қарақалпақстан
Республикасы аўыл хожалығы министри
А.Якубов, кластер кәрханалары ҳәмде фермер хожалықлары баслықлары
қатнасты. Семинарда Өзбекстан Республикасы Президентиниң 2020-жыл
11-декабрьдеги “Аўыл хожалығында суўды үнемлейтуғын технологияларды енгизиўди
буннан былай да жедел шөлкемлестириў илажлары ҳаққында”ғы қарарының орынланыўы,
егин майданларын лазер үскенелер көмегинде тегислеў, суўды үнемлеў
технологиялары, тамшылатып суўғарыў, жаўын ҳәм дискретли суўғарыў
технологиялары, егин майданларын шорды жуўыўға таярлаў, жаңадан
шөлкемлестирилип атырған жүзим ҳәм интенсив бағ нәллериниң жер майданларын
таярлаў, пуқаралар шаңарақларында теплицалар ҳәмде интенсив түрде балық
жетистириўди жолға қойыў, аўыл хожалығы техникалары ҳәм агрегатларын оңлаў ҳәм
мәўсимге таярлаў мәселелери додаланды ҳәм бул бойынша толық мағлыўмат берилди.
Нөкис районы ҳəкимлигиниң Мəлимлеме хызмети