баспаға шығарыў
Усы жылдың
15-январь күни Қарақалпақстан Республикасы Министрлер Кеңесинде Мәмлекетлик
тилди раўажландырыў департаментиниң шөлкемлестириўинде мəжилис болып өтти. Мəжилисти
Қарақалпақстан Республикасы Министрлер Кеңеси Баслығының руўхый-ағартыўшылық
жумыслары нәтийжелилигин арттырыў, мәмлекетлик тил ҳаққындағы нызам
ҳүжжетлерине әмел етилиўин тәмийинлеў мәселелери бойынша кеңесгөйи- департамент
баслығы П.Дабылов алып барды.
Жыйналыста
Қарақалпақстан Республикасы Жоқарғы Кеңеси Президиумының 2020-жыл 3-ноябрьдеги
“Қарақалпақ тилиниң мәмлекетлик тил сыпатында тутқан орнын ҳәм оның абырайын
және де арттырыў илажлары ҳаққында”ғы 135-санлы Қарарының орынланыўын
тәмийинлеў мақсетинде дүзилген Исши топар қурамы ағзалары Қарақалпақстан
Республикасы «Мәмлекетлик тил ҳаққында»ғы Нызамының жаңа редакциядағы жойбарын
таярлаў бойынша өз-ара пикир алысты.