баспаға шығарыў
Үш күн даўамында Айрықша жағдайлар министрлигиниң басшылығында Нөкис қаласында өткерилген командирлик-штаб оқыў шынығыўларында дерлик 2,5 мың пуқара ҳəм 200 арнаўлы техника, соның менен бирге оқыў процессинде айрықша жағдайлардың алдын алыў ҳəм бундай жағдайларда ҳəрекет етиў бойынша 40 қа шамалас шөлкем ўəкиллери қатнасты.
Шынығыўлар даўамында шəртли түрде жүз берген тəбийғый ҳəм техноген көринистеги айрықша жағдайлар шараятында қəнигелестирилген структуралардағы хызметкерлердиң барлық ҳəрекетлери қайта сынақтан өткерилди.
Оқыў шынығыўдың режесине муўапық, өрт келип
шыққан имараттан адамларды эвакуация етиў, өртти өшириў, жəбирленгенлерге
медициналық жəрдем көрсетиў ҳəм пуқараларды арнаўлы таярланған пунктлерге
жайластырыў сыяқлы илажлар өткерилди.
Қарақалпақстан Республикасы Айрықша жағдайлар басқармасы