баспаға шығарыў
Алламуратов Жаңабай 1937-жылы 4-майда Шоманай районында
туўылған. 1960-жылы Орайлық Азия политехника институтын тамамлаған. Мийнет
жолын 1960-1961 жылларда Қарақалпақстан Республикасы Министрлер Кеңеси
жанындағы жəмийетлик хожалықларда аўыл хожалығы қурылысы басқармасы техника жəрдеми
бюросының аға инженери ҳəм бас инженери болып ислеўден баслаған.
1961-1964 жылларда 166-санлы қурылыс трести 1-санлы қурылыс
басқармасының қурылыс устасы, 1964-1968 жылларда 166-санлы қурылыс трести
прорабы, аға прорабы, бөлим баслығы, 2-санлы қурылыс басқармасы баслығы болып
хызмет еткен.
1970-жылда "Ўзтрансмахсусқурилиш" трести 129-санлы
ҚМҚ баслығы,
1970-1973 жылларда Қарақалпақстан ўəлаят партия комитети
инструкторы болған.
1973-жылдан 2003-жылға
шекем "Қарақалпақгаз" республика басқармасы баслығы лаўазымында жумыс
алып барған.
Алламуратов Жаңабай 1979-жылда
Қарақалпақстан Республикасында хызмет көрсеткен қурылысшы, 2000-жылда Ɵзбекстан
Республикасында хызмет көрсеткен санаат хызметкери мəмлекетлик сыйлықлары менен, сондай-ақ биринши дəрежели «Меҳнат
фахрийси» көкирек белгиси менен сыйлықланған.
Алламуратов Жаңабай өзиниң дерлик 60 жыллық мийнет жолы
даўамында өзиниң бай билим ҳəм тəжирийбеси, жоқары руўхый пазыйлетлери менен халқымыз ҳəм Ўатанымызға хызмет етти.
Халқымыздың сүйикли перзенти, кеңпейил ҳəм пидайы инсан Алламуратов
Жаңабайдың шаңарағына, жақынларына терең қайғырыў менен кеўил айтамыз.
Қарақалпақстан Республикасы Министрлер Кеңеси