баспаға шығарыў
Ҳүрметли Президентимиздиӊ басламасы тийкарында, усы жыл
ноябрь айынан баслап бир жыл даўамында ҳәр ай сайын елимизде әмелге асырылып
атырған реформалардыӊ мазмун-мағанасы ҳәм әҳмийетин халқымызға жеткериў
бағдарында илажлар шөлкемлестириў белгиленген еди. Онда халықты мәденият,
көркем өнер ҳәм спортқа кеӊ қамтып алыў, мәлимлеме технологияларынан пайдаланыў
көнликпелерин қәлиплестириў, китап оқыўды үгит-нәсиятлаў, ҳаял-қызлар бәнтлигин
арттырыўға қаратылған әҳмийетли басламаларды
әмелге асырыў нәзерде тутылған.
Бүгин районлық Мәденият сарайында Қарақалпақстан
Республикасы үгит-нәсият топары тәрепинен «Жаӊа Өзбекстан – жаӊаша дүнья қарас»
идеясы тийкарында, «Дослық» МПЖ турғынлары қатнасында үгит-нәсият илажы
өткерилди. Илаж даўамында китаплар көргизбелери шөлкемлестирилип, көркем өнер
ғайраткерлери тәрепинен таярланған концерт бағдарламасы инам етилди.
Үгит-нәсият илажлары, райондағы барлық пуқаралар жыйынларында өткерилиўи
режелестирилген.
Район ҳəкимлиги Мəлимлеме хызмети