Усы жылдың 25-октябрь күни Қанлыкɵл районының пахтакешлери мəмлекетке
пахта тапсырыў режесин 100,1 пайызға орынлады.
2020-жыл пахта ҳасылы ушын Қанлыкɵл районында 3 мың 800
гектар майданнан 8 мың 210 тонна пахта шийки затын жетистириў бойынша жəми 151
аўыл хожалық кəрханалары, соннан, 149 фермер хожалығы ҳəм 2 ЖШЖ менен
контракция шəртнамалары дүзилди.
Аўыл хожалығы тараўы хызметкерлери тəрепинен үзликсиз тəризде
алып барылған агротехник илажлар нəтийжесинде, Қанлыкɵл районы халқы менен
биргеликте, усы жетискенликти қолға киргиздик. Быйыл елимизде пандемия шараяты
болыўына қарамастан, дийқан фермер хожалықлары ɵз ўақтында ғоза ушын зəрүр бəрше
дала илажларын орынлап келди. Жыйым-терим мапазында қатнасқан барлық фермер хожалықлары
ҳəм отряд басшыларына,жумысшы, теримшилерге ɵзимиздиң терең
миннетдаршылығымызды билдиремиз.
Қанлыкөл районы ҳәкимлиги Мәлимлеме хызмети
баспаға шығарыў
