Қарақалпақстан Республикасы Министрлер Кеңеси

30.10.2024 Жәмийет docx форматында жуклеп алыу (315,2 kb) pdf форматында жуклеп алыу (879,8 kb) баспаға шығарыў

Қарақалпақстан Республикасы Мәҳәлле ҳәм шаңарақты қоллап-қуўатлаў министрлиги жанында жәмийетлик тийкарда шѳлкемлестирилген «Қәўендерлик қайырқомлықларды муўапықластырыў Орайы» және ѳз жумысын баслады.

Бул ҳаққында Қарақалпақстан Республикасы Мәҳәлле ҳәм шаңарақты қоллап-қуўатлаў министрлигиниң мәлимлеме хызмети хабар берди.

Қарақалпақстан Республикасында коронавирус инфекциясының тарқалыўына қарсы гүресиў ҳәм карантин дәўиринде халықтың социаллық қорғаўға мүтәж қатламын қоллап-қуўатлаў, жалғыз баслы нуранийлер, имканияты шекленген ҳәм тийкарғы дәрамат дереклерин жоғалтқан пуқараларға әмелий жәрдем бериў мақсетинде 1197 қысқа номери иске қосылды.

Сондай-ақ, халыққа және де қолайлық жаратыў мақсетинде Қарақалпақстан Республикасы бойынша (61) 222-05-26, (61) 222-05-24, (61) 222-00-94 телефон номерлери де сизиӊ қоӊыраўыӊызды күтпекте. Қәўендерлик қайырқомлықларды муўапықластырыў Орайына келип түскен мүрәжатлар тийкарында азық-аўқат, дәри-дармақ ҳәм басқа зәрүрли ѳнимлер гигиеналық ҳәм санитариялық талапларға толық әмел етилген ҳалда волонтёрлар тәрепинен пуқараларға жеткерилип бериледи.

Қарақалпақстан Республикасындағы Қәўендерлик қайырқомлықларды муўапықластырыў ҳәм волонтёрлық орайының исеним номерлери (Call-center) ҳаққында төмендеги кесте арқалы танысыўыӊызға болады.

МАҒЛЫЎМАТ

Бул номерлерге ҳәр күни саат 9:00 ден 17:00 ге шекем мүрәжат етиўиңиз мүмкин.

Қарақалпақстан Республикасы Министрлер Кеӊесиниӊ мәлимлеме хызмети