Respublika xalqınıń dáramatların hám turmıs dárejesinbunnan bılay da arttırıw, puqaralardı sociallıq jaqtan qollap-quwatlawdı kúsheyttiriw maqsetinde Qaraqalpaqstan Respublikası Ministrler Keńesi
Q A R A R E T E D I:
1. Ózbekstan RespublikasıPrezidentiniń2018-jıl2-iyuldegi «Is haqı, pensiyalar, stipendiyalar hám napaqalardıń muǵdarların kóbeytiwhaqqında»ǵı PF-5469-sanlı Pármanı orınlaw ushın basshılıqqa alınsın.
2.Ózbekstan Respublikası Prezidentiniń usı Pármanı menen:
a) 2018-jıldıń15-iyul kúninen baslap byudjet mákemeleri hám shólkemleri xızmetkerleriniń is haqısı, pensiyalar, stipendiyalarhám denapaqalar muǵdarı ortasha esapta 1,07 esege kóbeytilgenligi;
b) 2018-jıldıń15-iyul kúninen baslap Ózbekstan Respublikası aymaǵında eń kem:
- is xaqı - ayına 184300 sum;
-jası boyınsha pensiya - ayına 360 460 sum;
-balalıqtan mayıplarǵa beriletuǵın napaqa -ayına 360 460 sum;
-zárúr miynet stajına iye bolmaǵan qariyalar hám jumısqa jaramsız puqaralarǵa beriletuǵın napaqa - ayına 221190 sum muǵdarında belgilengenligi;
v) is xaqıǵa hám de pensiyalarga qosılatuǵın ústeme hám qosımsha xaqılardıń barlıq túrleri, eń kem is xaqıǵa salıstırıpbelgilengenkompensaciyahámbasqa datólemler2018-jıldıń15-iyul kúninenbaslap usı Pármanda belgilengen eń kem is haqı muǵdarınan kelip shıqqan halda ámelge asırılıwı belgilep qoyılǵanlıǵı;
g)Ózbekstan RespublikasıFinans ministrligine Bántlik hám miynetqatnasıqları ministrligi, basqa mápdar ministrlikler hám mákemeler, Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri, Ózbekstan Respublikasımámleketlik byudjetten qarjılandırılatuǵın shólkemler hám mákemeler menen birgelikte pensiyalar, stipendiyalar, byudjet mákemeleri hám shólkemleri xızmetkerleriniń lawazımlı aylıqları muǵdarın usı Párman qaǵıydalarınan kelip shıqqan halda óz waqtında qayta esaplap shıǵıwın támiyinlew tapsırılǵanlıǵı;
d) byudjet mákemeleri hám shólkemleri xızmetkerleriniń is haqısı, pensiyalar,napaqalar hám stipendiyalardıńkóbeyiwine baylanıslı qárejetler Ózbekstan Respublikası Mámleketlik byudjeti hám Ózbekstan Respublikası Finans ministrligi janındaǵı Byudjetten tısqarı pensiya qorı qarjıları esabınan ámelge asırılatuǵınlıǵı;
xojalıqesabındaǵıkárxanalarǵa hámshólkemlerge 2018-jıldıń 15-iyul kúninen baslap usı Pármanda belgilengen eń kem is haqıǵa muwapıq, islep shıǵarıw nátiyjeliligin asırıwhámde miynettiń sarplanıwın kemeytiw esabınan is haqı muǵdarın kóbeytiw tapsırılǵanlıǵı;
e) Ózbekstan Respublikası Prezidentiniń 2017-jıl 20-noyabrdegi
«Is haqı, pensiyalar, stipendiyalar hám napaqalardıń muǵdarların kóbeytiwhaqqında»ǵıPF-5245-sanlı Pármanı (6-bántinen tısqarı)2018-jıldıń15-iyul kúninen baslap óz kúshin joytqan dep esaplanǵanlıǵı;
j) Ózbekstan RespublikasıÁdillik ministrligine Finans ministrligimenen birgelikte bir ay múddette nızam hújjetlerine usı Pármannan kelip shıǵatuǵın ózgeris hám qosımshalar haqqında Ministrler Kabinetine usınıslar kirgiziw tapsırılǵanlıǵı maǵlıwmat ushın qabıl etilsin.
3. Qaraqalpaqstan Respublikası Finans ministrligi (M.Sodiqov), Bántlik hám miynet qatnasıqları ministrligi (U.Saburov), basqa mápdar ministrliklerhám mákemeler, byudjetten qarjılandırılatuǵın shólkemler, mákemeler, Nókis qalası hám rayonlar hákimliklerimenen birgelikte usı Párman qaǵıydalarınan kelip shıqqan halda pensiyalar,stipendiyalar hámde byudjet mákemeleri hám shólkemleri xızmetkerleriniń lawazımlı aylıqları muǵdarın óz waqtında qayta esaplap shıǵıwdı támiyinlew tapsırılsın.
4.Qaraqalpaqstan Respublikası Ministrler Keńesiniń 2017-jıl 23-noyabrdegi797-sanlı qararı(4-bántinen tısqarı)óz kúshin joytqan dep esaplansın.
5.Usı qarardıń orınlanıwın qadaǵalawdıózime qaldıraman.
Qaraqalpaqstan Respublikası
Ministrler Keńesiniń Baslıǵı Q.Sariev