Qaraqalpaqstan Respublikası Ministrler Keńesi

19-dekabr kúni Qaraqalpaqstan Respublikası Joqarǵı Keńesiniń on birinshi sessiyası bolıp ótti

Sessiyaǵa Qaraqalpaqstan Respublikası Joqarǵı Keńesiniń Baslıǵı M.Kamalov, Ózbekstan Respublikası Prezidenti Administraciyası janındaǵı Málimleme hám ǵalaba kommunikaciyalar agentligi direktorı A.Xodjaev, Oliy Majlisi Senatı aǵzaları, húkimet aǵzaları, taraw hám huqıq qorǵaw uyımları basshıları, qala, rayon hákimleri, sektor basshıları qatnastı. 

Sonday-aq, sessiyaǵa «El xızmetinde» gazetası redaktorı D.Tájimuratov, «zaman.uz» saytı adminstratorı P.Ajimuratov, bloger S.Ziyaev «uza.uz» saytı xabarshısı D.Abibullaev, «kar24» saytı administratorı Q.Begniyazova, «O’zbekiston 24» kanalı hám jergilikli televidenie xabarshıları menen belgili gazeta jurnallardan jurnalistler qatnastı. 

Sessiya kún tártibindegi dáslepki másele, Qaraqalpaqstan Respublikasın 2020-jılda sociallıq-ekonomikalıq rawajlandırıwdıń juwmaqları hámde 2021-jılǵa belgilengen rejeler haqqında Ministrler Keńesi Baslıǵı Qaharman Sarievtiń múrájatı tıńlandı.

Sessiya juwmaǵı boyınsha ǴXQ wákilleri hám blogerler ushın baspasóz konferenciyası shólkemlestirildi. Baspasóz konferenciyasına Ministrler Keńesi Baslıǵı Qaxraman Sariev hám sektor basshıları, Ministrler Keńesi Baslıǵı orınbasarları, huqıq qorǵaw uyımları xızmetkerleri, ministrlikler menen basqarmalar basshıları qatnastı.

Qızǵın soraw-juwaplarǵa bay bolǵan baspasóz konferenciyası 3 saat dawam etti. Onda barlıq jurnalist blogerler ózlerin qızıqtırǵan sorawlarǵa juwaplar aldı.

Baspasóz konferenciya sońında Ministrler Keńesi Baslıǵı Qaxraman Sariev jurnalist hám blogerler menen tıǵız birge islesiwge tayar ekenligin  bildirdi.

QR Ministrler Keńesi Málimleme xızmeti