chop etish🌱Obodonlashtirish va ko’kalamzorlashtirish tadbirlari yurtimizning barcha hududlarida izchil davom ettirilmoqda.
🌿Bugun Qoraqalpog’iston Respublikasi Xo’jayli tumani “Janajap” OFY hududida Qoraqalpog’iston Respublikasi Oila va xotin-qizlar qo’mitasi tashabbusi bilan “Yashil makon” umumxalq milliy loyihasi doirasida “Onalar yashil makon uchun” shiori ostida “Onalar bog’i”ni yaratish tadbiri bo’lib o’tdi.
🌍Unda Qoraqalpog’iston Respublikasi Vazirlar Kengashi raisi o’rinbosari - Oila va xotin-qizlar qo’mitasi raisi M.Axmedova va tumandagi “Oqila ayollar” harakati a’zolari, mahalladagi nuroniy onaxonlar va faol xotin-qizlar ishtirok etdi.
🌿“Janajap” OFY hududidagi 2 gektar yerga 100 tup daraxt ekildi va nuroniy onaxonlarimizning yaxshi niyatlari bilan “Onalar bog’i” yaratildi. Tadbir musiqiy konsert dasturi bilan o'z nihoyasiga etdi.
Qoraqalpog’iston Respublikasi Oila va xotin-qizlar qo’mitasi matbuot xizmati