baspaǵa shıǵarıw
Eksport kólemin
arttırıw, jańa ónimler eksportın jolg'a qoyıw hám jańa bazarlarg'a kirip barıw
bag'darında ámelge asırılıp atırg'an jumıslar haqqında
Búgingi kúndegi
eng áhmiyetli máselelerding biri – elimizde eksport kólemin arttırıw bolıp
esaplanadı.
Eksportyorlardı
qollap-quwatlaw boyınsha alıp barılıp atırg'an jumıslar nátiyjesinde olardıń
ekonomikamızda tutqan ornı sezilerli dárejede arttı.
Mısal ushın,
2023-jıldıń yanvar-oktyabr aylarınıng ózinde 80,8 mln. dollardan aslam
jergilikli boysınıwdag'ı eksportyorlardıng eksport ónimleri shıg'arılg'an.
Búgingi kúnde
jergilikli boysınıwdag'ı 200 den aslam eksportyor kárxanalar dúnyanıń 35 ten artıq
mámleketlerine sanaat, miywe-palız ónimleri eksportı ámelge asırılg'an. Eksport
geografiyasın kengeytiw boyınsha bıyılg'ı jılda Italiya (teri ónimleri),
Tayland (artemiya tsistasi) hám Estoniya (yarım tayın mebel ónimleri) sıyaqlı
janga mámleketler bazarlarınıng ózlestirio‘i nátiyjesinde eksport geografiyası
jáne de keńeyiwine erisilmekte.
Mámleketimiz
tárepinen eksport potentsalın arttırıw maqsetinde isbilermenlerge bir qansha
jengillikler jaratıldı. Atap aytqanda, eksportyorlardı aylanba qarjı menen
támiyinlew maqsetinde Ózbekston Respublikası Prezidentining 2020-jıl 21-oktyabr
sánesindegi PQ-6091-sanlı qararı tiykarında, sırt el valyutasında 4 protsent
hám jergilikli valyutada 11 protsentten kreditler ajıratılmaqta.
Sonday-aq,
Ózbekstan Respublikası Prezidentining 2022-jıl 31-avgust sánesindegi
PP-213-sanlı Pármanına muwapıq, 2028-jıldıng 1-yanvar sánesine shekem
Qaraqalpaqstan Respublikasında jumıs islep atırg'an isbilermenlik subektlerine
islep shıg'arılg'an ónimlerdi shet mámleketlerge eksport etiletug'ın 35 túrdegi
ónimler hám eksport etiletug'ın ónimlerdi islep shıg'arıw ushın satıp alıng'an
22 túrdegi shiyki zat ónimlerin respublika boylap tasıwdag'ı transport
qarejetlerining 70 protsenti mámleket tárepinen tólep beriw tártibi
tastıyıqlandı.
Húkimetimiz
tárepinen ámelge asırılıp atırg'an bul ilajlardıng barlıg'ı elimizding eksport
potentsialın arttırıwda úlken áhmiyetke iye.