09.12.2024
Siyasat
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Ózbekstan Respublikası Prezidenti Shavkat Mirziyoev 19-yanvar kúni Rossiya Federaciyası Prezidenti Administraciyası baslıǵınıń orınbasarı Dmitriy Kozaktı qabılladı.
Ushırasıw aldınan Dmitriy Kozak Rossiya Federaciyası Prezidenti Vladimir Putinniń qızǵın sálemi hám eń jaqsı tileklerin jetkerdi.
Jaqında ótken joqarı dárejedegi ushırasıw hám sóylesiwlerde erisilgen kelisimler Ózbekstan hám Rossiya arasındaǵı strategiyalıq sheriklikti bekkemlew hám kóp qırlı qatnasıqlardı keńeytiwge kúshli pát baǵıshlaǵanı ayrıqsha atap ótildi. Tovar almasıw kólemi artpaqta, sanaat kooperaciyası boyınsha iri joybarlar hám tiykarǵı gumanitar baǵdarlamalar ámelge asırılmaqta.
Mámleketimiz basshısı Ózbekstan menen Rossiya arasındaǵı keń kólemli birge islesiwdi bunnan bılay da rawajlandırıw hám onıń potencialın ámelge asırıw áhmiyetli ekenin atap ótti.
Oraylıq Aziyada júz bergen waqıyalardan kelip shıǵıp regiondaǵı jaǵday boyınsha da pikir alısıldı.
ÓzA