Qaraqalpaqstan Respublikası Ministrler Keńesi

Huqıq qorǵaw uyımları tárepinen jámiyetlik qáwipsizlikti támiyinlew, bul baǵdarda alıp barılıp atırǵan jumıslardıń nátiyjeligin bunnan bılay da arttırıw baslı wazıypalardıń biri esaplanadı.

Usı maqsette Ministrler Keńesi Baslıǵı Q.Sariev profilaktika inspektoları menen ushırasıw ótkerdi. Onda Prezidentimiz tárepinen belgilep berilgen wazıypalarǵa toqtalıp ótti. Atap aytqanda, máhállelerde jınayatshılıqtıń aldın alıw, profilaktika inspektorlarınıń jumıs nátiyjeligin arttırıw hám xızmet sharayatların jaqsılaw sıyaqlı máselelerge itibar qaratıldı. Aymaqlarda jınayat júz beriwiniń aldın alıw boyınsha juwapkershilikti arttırıw, ózin-ózi basqarıw uyımları menen birge islesiwdi jedellestiriw hám eń áhmiyetlisi máhállelerge baqlaw kameraların ornatıw arqalı jámiyetlik qáwipsizlikti saqlaw máseleleri ayrıqsha dodalandı.

Jaslardıń bos waqıtların mazmunlı shólkemlestiriw boyınsha máhállelerde alıp barılıp atırǵan jumıslar talqılandı. Sonıń menen birge máhállelerde jınayatshılıqtıń aldın alıw boyınsha profilaktika inspektorlarınıń pikir usınısları tıńlandı. 

QR Ministrler Keńesiniń Málimleme xızmeti