Qaraqalpaqstan Respublikası Ministrler Keńesi

11-noyabr kúni Húrmetli Prezidentimiz “2020/2023-jıllarda Qaraqalpaqstan Respublikasın kompleksli túrde sosiallıq-ekonomikalıq rawajlandırıw is-ilájları haqqındaģı PQ-4889-sanlı qararın tastıyıqladı.

Bul qararda birinshi gezekte xalıqtıń turmıs dárejesin jaqsılaw sonıń menen birge respublikadag‘ı barlıq tarawlardı rawajlandırıw  máseleleri óz kórinisin tapqan.

Atap aytqanda 2020/2023-jıllar dawamında 141 mıńnan aslam xalıqtı taza, oraylasqan ishimlik suwı támiynatına jalg‘aw arqalı taza ishimlik suwı menen támiyinleniw dárejesin 61,5 payızdan 70,1 payızg‘a jetkeriw názerde tutılg‘an. 

Sonıń menen birge Nókis qalası, taqıyatas hám Xojeli rayonları oraylarındag‘ı 105 mıńnan aslam shańaraqlardı aqaba suw (kanalizasiya) tarmaqlarına jalg‘aw rejelestirilgen. 

Bul arqalı ishimlik suwı hám aqaba suw mashqalası saplastırılıp, suw qubırlarındag‘ı nasazlıqlarda jańalaw jumısları alıp barıladı.

QR Ministrler Keńesi Málimleme xızmeti