Qaraqalpaqstan Respublikası Ministrler Keńesi

Elikqala rayonı hákimi press-konferensiyada investiсiyalıq joybarlar boyınsha jurnalist hám blogerlerge mag‘lıwmat berdi.

“Ellikqala sahovati” JSHJg‘a “Topıraq qala” máhálle puxaralar jıyını aymag‘ınan júzimzarlardı egiw ushın 1000,0 gektar jer maydan ajıratıp berilgen bolıp, joybar eki basqıshta ámelge asırıladı. Birinshi basqıshta 1000 gektar maydanda júzim plantasiyaları shólkemlestirilip, 1000 nan aslam jańa jumıs orınları jaratıladı (hár gektarda bir shańaraq jumıs benen támiyinlenedi). Ekinshi basqıshta plantasiyalarda jetistirilgen júzimnen 35 mıń dekalitr konyak, vino ónimlerin islep shıģarıw kárxanası iske túsiriledi hám 55 jańa jumıs ornı jaratıladı. Sonday-aq, islep shıg‘arılg‘an ónimler tiykarınan eksportqa bag‘darlanadı. 

Búgingi kúnde kárxana tárepinen 500,0 gektar maydanda júzimniń qaraqamıs, mers, kurjenskiy, reksoteli, vinikabreniy sıyaqlı sortları egildi hám 300 den aslam xalıqtıń bántligi támiyinlendi. Sonday-aq, Italiyanıń “Della Toffola S.R.A” kompaniyası menen bahası 2 mln 970 mıń yevro bolg‘an zamanagóy júzimdi qayta islewshi úskenelerdi jetkerip beriw boyınsha shártnama dúzildi. 

QR Ministrler Keńesi Málimleme xızmeti