baspaǵa shıǵarıw
Búgin 2023-jıl 1-noyabr kúni Qaraqalpaqstan Respublikası Ministrler Keńesiniń Baslıǵı F.Ermanov «Qatar National Cement» kompaniyasınıń direktorı Essa Muhammad Ali Kaldari menen ushırastı. Ushırasıw dawamında «Qatar National Cement» kompaniyası 1965-jıl shólkemlestirilgen bolıp, búgingi kúnde kompaniyanıń jıllıq dáramatı 1 mlrd. dollardı quraydı hámde 2 mıń puqaranıń bántligi támiyinlengen. Komaniyanıń tiykarǵı islep shıǵarıwshı ónimi cement hám betonlar bolıp tabıladı. «Qatar National Cement» kompaniyasınıń atqarıwshı direktorı Essa Kaldari Qaraqalpaqstan aymaǵına investiciya alıp kiriw arqalı jańa iri kárxanalardı shólkemlestiriw hámde jańa jumıs orınların jaratıw ekenligin ayrıqsha atap ótti. Bunnan soń, miymanlar investorlar ushın jaratılǵan sharayatlar menen jaqınnan tanısıw maqsetinde aymaqlarǵa shıǵıp ketti.
