04.12.2024
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Ózbekstan Sawda-sanaat Palatasınıń Qaraqalpaqstan Respublikası basqarmasında dáslepki márte «Ózbekstan zergerlik sanaatı» atamasında kórgizbe-yarmarkası bolıp ótti.
Ilajdı Qaraqalpaqstan Respublikası Ministrler Keńesiniń jergilikli sanaattı rawajlandırıw bólimi baslıǵınıń orınbasarı N.Eщanov ashıp berdi hám sońǵı jıllarda mámleketimizde zergerlik tarawın rawajlandırıw boyınsha sistemalı ilajlar ámelge asırılıp atırǵanlıǵın atap ótti.
Shólkemlestirilgen ilaj sheńberinde Ózbekstan Sawda-sanaat Palatasınıń Qaraqalpaqstan Respublikası basqarması basshıları, isbilermenler, ónermentler, puqaralar hám Respublikamızdıń zergerlik tarawında iskerlik alıp barıwshı kárxana wákilleri qatnastı.
Kórgizbeni shólkemlestiriwden tiykarǵı maqset-zergerlik ónimlerin islep shıǵarıwshı kárxanalar hám de satıw menen shuǵıllanıwshı isbilermenler ortasında sheriklik baylanısların bekkemlew, ishki bazardı import orının basıwshı ónimler menen támiyinlew, xalıqtıń zergerlik ónimlerine bolǵan talabın qanaatlandırıp, qızıǵıwshılıqların jáne de arttırıwdan ibarat.
Ilajda Tashkent qalası hám wálayatlardan “GAVHAR JEWEL GROUP”, “NUR STAR JEWELRY”, “CARAVAN SILVER”, “PREMIUM JEWELRY”, “ORNAMENT JEWELRY”, “GLOBAL UNIVERSAL SERVIS”, “SHOSH LOYAL GROUP”, “GOLD AFSONA” sıyaqlı respublikamızdaǵı jetekshi zergerlik kárxanaları qatnastı.
Bunda altın, gúmis hám basqa da qımbat bahalı taslardan islengen zamanagóy zergerlik buyımları, taǵınshaqlar hám aksessuarlar, suvinerler kórgizbege qoyıldı.
Ilaj dawamında qatnasıwshılar zergerlik buyımların tamashalaw menen bir qatarda olardıń sıpatı haqqında tolıq maǵlıwmatlar alıp, kórgizbeniń ózinde satıp alıw imkániyatına iye boldı.
