baspaǵa shıǵarıw
El basshımız
tárepinen puqaralarımızdıń múrájatların tıńlaw, mashqalaların anıqlaw hám
olarǵa unamlı sheshim tabıw, sonday-aq búgingi kúninen ırazı qılıw hár bir
basshınıń baslı wazıypası etip belgilep berilgen.
Sonday-aq,
Ministrler Keńesi Baslıǵı hám onıń orınbasarları, sonıń menen bir qatarda,
tiyisli taraw basshıları rayonlarǵa shıǵıp, máhállelerde júrgen halda
mashqalalardı puqaralar menen júzbe-júz sáwbetlesiw arqalı anıqlamaqta.
Hár bir basshı
puqaralardı kabinette otırǵan halda emes, al, máhállelerge barıp, puqaralardıń
múrájatın tıńlaw hámde uzaǵın jaqın qılıw baslı wazıypa etip belgilep alınǵan.
Sonı da qosımsha
atap ótiwimiz zárúr, Ministrler Keńesi Baslıǵınıń orınbasarları rayonda bolǵan
waqıtlarında “Múrájat qabıllaw bólimi” hámde sekretariat baslıqları
tárepinen puqaralardıń múrájatları tıńlanbaqta hámde mashqalaları tiyisli
mákeme, kárxana hám shólkemler menen birgelikte úyrenilip atır.
Ministrler
Keńesine kelip túsken hár qanday múrájat (isenim telefonı 61 222-26-14,
jazba hám awız eki) Ministrler Keńesiniń Baslıǵı F.Ermanovtıń jeke
qadaǵalawına alınǵan hámde múrájatler hár hápteniń Dúyshembi kúni kórip
shıǵıladı.
Sonıń menen bir
qatarda, Ministrler Keńesi Baslıǵınıń birinshi orınbasarı N.Erlepesov tárepinen
Juma kúni háptelik xat hújjetler hám múrájatlar sın kózqarasta kórip shıǵıladı
hám de tiyisli ilajlar kóriledi.
Bunnan tısqarı,
Ministrler Keńesi janında “Qaraqalpaqstan Respublikası aymaǵındaǵı
máhállelerde sistemalı mashqalalardı anıqlaw, búgingi kúnge shekem óz sheshimin
tappay atırǵan hám xalıq keypiyatına keri tásirin kórsetip atırǵan
mashqalalardıń unamlı sheshimin tabıw ushın arnawlı ShTAB”
shólkemlestirilgen.
Bunnan kózlengen
maqset, mámleketlik organlar menen хalıq arasında ashıq-aydınlıqtı jolǵa qoyıw,
mashqalalardı anıqlaw, múrájatlardıń nızamlı hám sapalı kórip shıǵılıwın
támiyinlewde áhmiyetli mexanizmdi jolǵa qoyıw názerde tutılǵan.