Qaraqalpaqstan Respublikası Ministrler Keńesi

«Ózbekstan-ulıwma úyimiz» uranı astında mádeniyat hám doslıq festivalı ótkerildi

Búgin 2023-jıl 23-avgust kúni «Jolshılar» máhállesi «Qaraqalpaq awıl» dem alıw orayında «Ózbekstan-ulıwma úyimiz» uranı astında mádeniyat hám doslıq festivalı ótkerildi. Onda, Qaraqalpaqstan Respublikası Ministrler Keńesi Baslıǵınıń orınbasarı R.Nurazizov qatnasıp, ata-babamızdan miyras bolıp qalǵan, biybaha milliy úrp-ádet dástúrlerimizdi hám kóp milletli xalqımızdıń mádeniyatın asırap-abaylaw kerekligin, sonday-aq, olardı keleshek áwladqa jetkerip beriw hár birimizdiń baslı wazıypamız ekenligin ayrıqsha atap ótti. 

Búgingi kúnde Prezidentimiz tárepinen xalqımızdı hár tárepleme sociallıq jaqtan qollap-quwatlaw boyınsha ayrıqsha kórsetpeler berip ótken edi. Usıǵan muwapıq Nókis qalasında jaylasqan 2-sektor aymaǵına tiyisli sociallıq qollap-quwatlawǵa mútáj shańaraqlardıń bet ashar, tusaw kesiw, súnnet hám besik toyları ótkerildi hám qımbat bahalı sawǵalar saltanatlı túrde tapsırıldı.

Sonıń menen bir qatarda, ilajdı shólkemlestiriwde jaqınnan járdem etken nuranıylar hám shólkemler Ministrler Keńesiniń húrmet jarlıǵı menen sıylıqlandı.