baspaǵa shıǵarıw
Ózbekstan Respublikası Prezidentiniń «Qaraqalpaqstan Respublikası xalqın sociallıq qollap-quwatlaw hámde fizikalıq shaxslar tárepinen qurılǵan turaq-jaylarǵa bolǵan huqıqların tiklew haqqında»ǵı PP-119-Pármanı boyınsha Qaraqalpaqstan Respublikası Ministrler Keńesiniń Baslıǵı Farhod Ermanov hám Mámleketlik kadastrları palatası baslıǵı orınbasarı R.Nishanov jáne basqa da tiyisli mákeme hám shólkemler juwapkerleri qatnasıwında Xojeli hám Taqıyatas rayonları hákimliginiń májilisler zalında ushırasıw bolıp ótti.
Onda Prezident pármanı jáne onıń orınlanıwı boyınsha rayon shtab juwapkerleri, mákeme hám shólkem qánigeleri tárepinen turaq-jaylarǵa múlk huqıqın tán alıwda tiyisli juwmaqlardı ornatılǵan tártipte rayon hám Respublika shtabına usınıw jaǵdayları dodalandı.
Sonıń menen birge, úlgili rayonlar retinde tańlap alınǵan bul rayonlarda xatlaw jumısların jedel pátlerde alıp barıw hám hár kúnlik maǵlıwmatlardı shtabqa óz waqtında jetkeriw boyınsha tapsırma berildi.