Qaraqalpaqstan Respublikası Ministrler Keńesi

Usı jıldıń 4-avgust kúni Húrmetli Prezidentimiz Shavkat Mirziyoev basshılıǵında mámleketlik xızmetin reformalaw hám basqarıwda nátiyjelikti asırıw is-ilajlarına baǵıshlanǵan videoselektor májilisinde, házirgi kúnde mámleketlik xızmetinde 118 mıń xızmetker miynet etip atırǵanlıǵı, nátiyjelilik boyınsha aytqanda, mámleketlik xızmeti ele xalıqtı razı etetuǵın sistemaǵa aylanbaǵanlıǵı haqqında ayrıqsha atap ótken edi.

Sonday-aq, Prezidentimiz mámleketlik xızmetshiler iskerliginiń kepilligi kúsheytiriliwi boyınsha, ásirese kelesi jıldan baslap mámleketlik xızmetkerdiń tájiriybesi, bilimi hám erisken nátiyjesine qarap xoshametlew sistemasın engiziw boyınsha bir qatar tapsırmalar bergen edi.

Sonı ayrıqsha atap ótiw kerek, 2022-jıl

 

8-avgust kúni “Mámleketlik puqaralıq xızmeti haqqında”ǵı Ózbekstan Respublikası Nızamı qabıl etildi. 

Usı Nızamnıń 36-statyasında “Mámleketlik puqaralıq xızmetkeri iskerliginiń nátiyjeliligin bahalaw” máselesine baǵıshlanǵan bolıp:

mámleketlik puqaralıq xızmetshisin xoshametlew hámde ádalatlı kriteriyalar tiykarında lawazım boyınsha ósiwin támiyinlew ushın onıń iskerligi nátiyjeliligin eń áhmiyetli kórsetkishler tiykarında bahalaw sistemasınıń engiziliwi;

mámleketlik puqaralıq xızmetkeri iskerliginiń nátiyjeliligin eń áhmiyetli kórsetkishler tiykarında bahalaw metodikası arnawlı wákillikli mámleketlik uyımı tárepinen belgileniwi;

mámleketlik uyımı mámleketlik puqaralıq xımetkerleri iskerliginiń nátiyjeliligin bahalaw metodikasına muwapıq, bahalanıwshı kásiptiń ózine tán ózgesheligin inabatqa alǵan halda ishki tártibin belgilewi kerekligi haqqındaǵı normalar menen bekkemlendi.

Usı nızam talaplarınıń orınlanıwın támiyinlew maqsetinde Ózbekstan Respublikası Prezidenti janındaǵı mámleketlik xızmetin rawajlandırıw agentligi tárepinen milliy hám shet el tájiriybelerin úyreniw, analizlew, bul saladaǵı jetiskenliklerden paydalanǵan halda “Mámleketlik puqaralıq xızmetkerleri iskerliginiń nátiyjeliligin bahalaw Metodikası” joybarı tayarlandı.

Bul Metodika “Mámleketlik puqaralıq xızmeti haqqında”ǵı Ózbekstan Respublikası Nızamınıń 36-statyasına muwapıq mámleketlik uyımları hám shólkemlerinde mámleketlik puqaralıq xızmetkerlerin xoshametlew, ádalatlı kriteriyalar tiykarında lawazım boyınsha ósiwin támiyinlew maqsetinde onıń iskerligi nátiyjeliligin eń áhmiyetli kórsetkishler tiykarında bahalaw tártibin belgileydi.

Pikir júritilip atırǵan bul sistema kadrlardıń kásiplik iskerliginde joqarı nátiyjelerge erisiwin xoshametlew arqalı mámleketlik uyımı iskerligi nátiyjeliligin asıradı.

Ayrıqsha atap aytqanda, mámleketlik uyımında bahalaw sisteması tómendegi izbe-izlikte ámelge asırılıp barıladı:

iskerlik nátiyjeliligin bahalaw boyınsha mámleketlik uyımǵa júkletilgen wazıypa hámde funkciyalar, sonday-aq mámleketlik baǵdarlamalar hám qadaǵalaw rejeler hámde tapsırmalardan kelip shıqqan halda mámleketlik uyımnıń eń áhmiyetli nátiyjelilik kórsetkishlerin islep shıǵıw;

mámleketlik uyımnıń eń áhmiyetli nátiyjelilik kórsetkishlerin «shınjır usılı» tiykarında bólistiriw arqalı mámleketlik xızmetkerdiń individual eń áhmiyetli nátiyjelilik kórsetkishlerin islep shıǵıw;

islep shıǵılǵan eń áhmiyetli nátiyjelilik kórsetkishke erisiliwi boyınsha turaqlı túrde monitoring alıp barıw;

kórsetkishlerdiń orınlanıwına qarap jumıs babında mámleketlik xızmetkerdi xoshametlew yaki bolmasa tásir sharaları qollanıladı. Bunda kórsetkishlerdiń maqsetli parametrleri hámde erisilgen ámeldegi nátiyjeleri turaqlı túrde Birden bir elektron platformaǵa kiritip barılıwı támiyinlenedi.

Mámleketlik puqaralıq xızmetkeriniń eń áhmiyetli nátiyjelilik kórsetkishleri tómendegi talaplarǵa juwap beriwi lazım:

anıq, prognoz qılınıp atırǵan nátiyje hám kútilip atırǵan nátiyje durıs belgileniwi kerek;

ólshenetuǵın, málim bir shártli birliklerde ólshew múmkin bolǵan kórsetkishlerden paydalanıwdı názerde tutıw;

erisiw múmkinligi, prognoz qılınıp atırǵan parametrler erisiw imkanı bolǵan resurs hám wákillikler menen muwapıqlasqan bolıwı;

waqıt shegarasınıń bolıwı, kórsetkishlerge erisiwdiń anıq múddetleri belgileniwi;

kompetentligi, eń áhmiyetli nátiyjelilik kórsetkishleri mámleketlik puqaralıq xızmetkeriniń belgilengen wazıypaları hám juwapkerligi sheńberinde bolıwı;

anıq maqsetlerge qaratılǵanlıǵı, mámleketlik uyımnıń strategiyalıq maqsetlerge erisiwge baǵdarlanǵanlıǵı;

Metodika menen:

bahalaw sistemasın engiziw basqıshları;

bahalaw sistemasın engiziwdi shólkemlestiriw;

eń áhmiyetli nátiyjelilik kórsetkishleriniń maqsetli kórsetkishlerin islep shıǵıw hám tastıyıqlaw;

erisilgen kórsetkishlerdi esaplaw tártibi;

mámleketlik puqaralıq xızmetkeri iskerligin bahalaw mexanizmi;

iskerlik nátiyjeligin bahalaw boyınsha basqa da metodlar (bahalaw intervyui, “360 dáreje” bahalaw).

Ámeldegi nızamshılıq talaplarına muwapıq, “Mámleketlik puqaralıq xızmetkerleri iskerliginiń nátiyjeliligin bahalaw METODIKASÍ” joybarı normativ-huqıqıy hújjetler joybarların dodalaw portalı https://regulation.gov.uz/oz/d/68180 ga qoyıldı.

Usı joybar menen barlıq mámleketlik xızmetkerler tanısıp, joybardı muwapıqlastırıw boyınsha ózleriniń usınıs hám pikirlerin bildiredi dep oylaymız.

Ózbekstan Respublikası Prezidenti janındaǵı 

Mámleketlik xızmetin rawajlandırıw agentligi 

Qaraqalpaqstan Respublikası filialı baslıǵı

S.DANIYaROV