baspaǵa shıǵarıw
2022-jıl 18-avgust kúni
Qaraqalpaq mámleketlik universitetiniń májilisler zalında mámleketlik tildi
rawajlandırıw baǵdarında ámelge asırılıp atırǵan jumıslar hám alda turǵan
wazıypalar haqqında jıynalıs bolıp ótti. Jıynalıstı Qaraqalpaqstan Respublikası
Ministrler Keńesi Baslıǵınıń ruwxıy-aǵartıwshılıq jumısları nátiyjeliligin
arttırıw, mámleketlik til haqqındaǵı nızam hújjetlerine ámel etiliwin
támiyinlew máseleleri boyınsha másláhátshisi-departament baslıǵı P.Dabılov alıp
bardı.
Jıynalısta Mámleketlik
tilde is júrgiziw tiykarların oqıtıw hám qánigeligin arttırıw orayınıń
Qaraqalpaqstan Respublikası aymaqlıq bólimi, Qaraqalpaqstan Respublikası
Ádillik ministrliginen juwapkerler shıǵıp sóyledi.
Jıynalısqa ministrlik,
mákeme, shólkemler basshıları hám rayon (qala) hákimleriniń
ruwxıy-aǵartıwshılıq jumısları nátiyjeliligin arttırıw, mámleketlik til
haqqındaǵı nızam hújjetlerine ámel etiliwin támiyinlew máseleleri boyınsha
másláhátshileri, Joqarı oqıw orınlarınıń Jaslar máseleleri boyınsha
orınbasarları, Mámleketlik tilde is júrgiziw tiykarların oqıtıw hám qánigeligin
arttırıw orayınıń Qaraqalpaqstan Respublikası aymaqlıq bólimi tıńlawshıları
qatnastı.