baspaǵa shıǵarıw
Búgin qurılıs tarawı xızmetkerleri kúni múnásibeti menen «Jańabazar» MPJ aymaǵındaǵı Shtabda ushırasıw bolıp ótdi. Ushırasıwǵa usta qurıwshılar, joybarshılar, arxitektorlar, bólip alıp islewshi kárxana wákilleri hám taraw xızmetkerleri qatnastı.
Qaraqalpaqstan Respublikası Ministrler Keńesiniń Baslıǵı
Q.Sariev bayram múnásibeti menen taraw xızmetkerlerin qızǵın qutlıqlap,
Qaraqalpaqstan Respublikası aymaǵın rawajlandırıw jolında alıp barılıp atırǵan
reformalarda belsene qatnasıp atırǵan qurılısshılarǵa minnetdarshılıq bildirdi.
Sońǵı jıllarda xalqımızdıń turmıs dárejesin arttırıw, qala hám rayonlarımızdıń kórinisin túp tiykarınan ózgertiw jolında kóp qabatlı zamanagóy turaq-jaylar, aymaqlardaǵı sociallıq infrastruktura obektleri, sawda hám xızmet kórsetiw orınları, bilimlendiriw, medicina hám mádeniyat orayları, zamanagóy dem alıw orınları hám balalar sport maydanshalarınıń qurıp pitkerilip, xalqımızdıń iygiligi jolında paydalanıwǵa tapsırılıp atırǵanın maqtanısh penen atap ótti.
Ushırasıwda taraw xızmetkerlerine bayram múnásibeti menen aqshalay sıylıqlar tapsırılıdı.
QR Ministrler Keńesiniń Málimleme xızmeti