Qaraqalpaqstan Respublikası Ministrler Keńesi

Arqa rayon hákimlikleri balansında bos turǵan imaratlardı jeke menshik mektepke shekemgi bilimlendiriw shólkemin shólkemlestiriw ushın mámleketlik sheriklik tiykarında isbilermenlik subetlerine tańlaw arqalı beriw hám imarattı rayon hákimligi balansında qaldırıw, úsh jıldan keyin jeke sherikke mámleketlik sheriklik haqqındaǵı kelisimdi rásmiylestiriw waqtında belgilengen bahanıń 50 payızı muǵdarında haqı tólew esabına 5 jıl dawamında tólew shárti menen usınılǵan imaratlardı menshiklenstiriw imkaniyatın beriw belgilep qoyılǵan.

Ózbekstan Respublikası Prezidentiniń «Qaraqalpaqstan Respublikasınıń arqa rayonlarında isbilermenlikti rawajlandırıwdıń qosımsha is-ilájları haqqında»ǵı PQ-264-sanlı qararı menen:

Arqa rayonlardaǵı awıl xojalıǵında paydalanıwdan shıǵıp ketken hám jańadan ózlestiriwge mólsherlengen jer maydanlardı innnvestorlarǵa “E-AUKSION” elektron sawda platformasında ashıq elektron tańlaw tiykarında 30 jılǵa awıl xojalıǵı jumısın júrgiziw ushın ijaraǵa beriwdiń tómendegishe tártipleri belgilep qoyılǵan:

Ijara huqıqın utıp alıw ushın tólenetuǵın tólemniń eń kóp muǵdarın usınıs etken talaban ústemlikke iye bolıp, qalǵan normalar boyınsha ball beriw tártibi qollanılmaydı;

Ashıq elektron tańlaw jeńimpazı ijara huqıqın utıp alıw ushın tólenetuǵın tólemniń eń kóp muǵdarınıń 50 payızın tólegen dáwirden baslap, usı jer maydanlarına ijara huqıqın úshinshi shaxsqa satıwı hám usı huqıqtı kommerciyalıq bankten kredit alıwı ushın girewge qoyıwı múmkin bolatuǵını belgilep qoyılǵan.