baspaǵa shıǵarıw
Usı jıldıń aprel ayında Futbol boyınsha Ózbekstan chempionatı 1-liga sheńberindegi oyınları baslandı. Onda Respublika boyınsha 15 komanda qatnasıp, jámi 28 oyın bolıp ótedi. Yaǵnıy komandalar 14 oyın saparda al 14 oyındı óz maydanında oynaydı.
1-liganıń 1-tur oyınan orın alǵan Tashkent wálayatınıń «LOCHIN — ARAL» oyını 9-aprel kúni Tashkent wálayatında bolıp ótti. Oyın júdá qızǵın gúreslerge bay boldı. Oyınnıń 7- hám 8-minutlarında Ruslan Qalmaǵambetov qarsılaslarınıń darwazasın eki ret soqqıǵa alıp birinshi bólimniń dáslepki 10-minutında esaptı 2-0 kórinisine alıp keldi.
Ekinshi
bólimniń 67-minutında Aral kamandası futbolshısı Bexruz Zayniddinov 3-goldı
urdı, 72-minutta bolsa Damir Nızanov
penaltidan 4- goldı urıp jeńisti bekkemledi.
Oyın tolıq Aral komandasınıń ústemliginde ótti.
2-turda «ARAL» komandası Nókis qalasındaǵı futbol akademiyası stadionında Tashkent qalasınıń «DWSTLIK» komandasın qabıl etti.
Oyınnıń 13-minutında futbolshımız Sh.Daryabaev esaptı ashtı. 37-minutta R.Arazov esaptı 0:2 kórinisine alıp keldi. 1-bólim usı esap penen juwmaqlandı.
2-bólimdide futbolshılarımız ózine isenim menen basladı hám 47-minutta I.Qutıbaev 3-goldı urıp esaptı iri 0:3 kórinisine alıp keldi.
Oyın qızǵın
gúreslerge bay bolıp, joqarı tepm oyın sońına shekem saqlanıp qaldı hám 81-minutta futbolshımız A.Ómirbekov 4-goldı
urıp jeńisti bekkemledi 0:4. Komandamız bul saparıda úlken parıq penen jeńiske
eristi.
24-aprel kúni Tashkent qalasında birinshi liganıń 3-tur oyınları bolıp ótti. Onda «ARAL» komandamız «BUNYoDKOR-FARM» klubına qarsı saparda maydanǵa tústi.
Qızǵın gúreslerge bay bolǵan oyında «ARAL» oyınshısı Shamsitdin Saǵidullaev 9-minutta esaptı ashtı. Bul goldan soń qarsılas komanda «BUNYoDKOR-FARM» dárwazamız aldında keskinlikti asırdı hám 20-minutta juwap goldı kirgiziwge eristi esap 1:1.
Komandalar usı esap penen birinshi bólimdi juwmaqladı.
Ekinshi
bólimdi «ARAL» futbolshıları isenim menen basladı hám 61-minutta oyınshımız
Begzod Axmadjonov esaptı 2:1 kórinisine alıp keldi.
Oyın sońına shekem usı esap saqlanıp qaldı hám «ARAL» gezekti jeńisin qabıllap aldı.
1-may
kúni 1-ligada jeńisli júrisin dawam etip
atırǵan «ARAL» komandası 4-tur oyınları sheńberinde Samarqand wálayatınıń
"UNIRED" klubına qarsı óz maydanında oynadı.
1-bólimde qarsılas komanda oyınshıları pressing qollap dáslepki 15-minutta gol urıwǵa eristi esap 0:1. Komandalar usı esap penen 1-bólimdi juwmaqladı.
2-bólimde
miymanlar ózleriniń jeńiske erisiwine tolıq isenim menen háreket ete basladı.
Oǵada awır keshken oyında Aral futbolshıları xarakter kórsete aldı. Ekinishi bólimniń dizgini tolıq Aral komandasına ótti hám oyınǵa ekinshi bólimde qosılǵan A.Jumamuratov 69-85- minutlarda gol urıp, dublge eristi. Esap 2:1.
Aral komandamız qıyın keshken oyında isenimli jeńiske eristi.
5-tur oyını
Ándijan wálayatınıń «ShAXRIXONCHI» klubına qarsı maydanǵa túsken «ARAL»
fubolshılarına bul sapar áwmet kúlip
baqpadı. «ARAL» komandamız 1:3 esapta jeńiliske ushıradı.
Degen menen futbolshılarımız tezden ózleriniń sport formasına keldi hám Qashqadárya wálayatınıń «NASAF-FARM» klubına qarsı saparda maydanǵa tústi.
Oyınnıń
dáslepki ekinshi minutında penaltidan D.Nızanov esaptı ashtı. 35 minutta
«NASAF-FARM» oyınshıları esaptı 1:1 kórinisine alıp keldi.
Birinshi
bólimge qosıp berilgen 1-minutta D.Nızanov 2-goldı urıp esaptı 2:0 kórinisine
alıp keldi hám komandalar usı esap penen tánepiske ketti.
Ekinshi
bólimniń 56-minutında R.Qalmaǵambetov 3-goldı urıp jeńisti bekkemledi. Usı 3:1
esabı oyın sońına shekem saqlanıp qaldı hám Aral gezektegi jeńisin qabıllap
aldı.
Búgingi kúnge shekem «ARAL» klubı 15 ochko toplap turnir kestesinde 1-orında kelmekte. Sonıń menen birge qarsılasları darwazasına 16 gol urıp 6 goldı óz dárwazasınan alıp shıqtı.
Gol
ótkergen komandalar ishinde eń jaqsı kórsetkish «ARAL» komandasında.
Usı jıldıń
22-may kúni «ARAL» klubı Tashkent qalasınıń «CHIǴATOY» klubına qarsı óz
maydanında oynaydı.
QR Ministrler Keńesiniń Málimleme xızmeti